A+ A A-

Հարցազրույց դիզայներ Մանչի հետ

ՄանչՄանուկ Ալեքսանյանը, ով նորաձևության աշխարհում հայտնի է Մանչ անունով, երիտասարդ, սակայն բավականին խոստումնալից ու ինքնատիպ դիզայներ է, ում մոդելավորած հագուստները կրում են հայկական շոուբիզնեսի կարկառուն ներկայացուցիչները: Մանչի մոդելավորած հագուստն օրիգինալ է, ոճային, ժամանակակից և թարմ շունչ է հայկական նորաձևության ասպարեզում: Այսօր հանդիպեցի Մանչին, ով աշխատանքային աշխույժ ու լցված առօրյայում հասցրեց ժամանակ հատկացնել ինձ ու զրուցել իր և նորաձևության մասին:

Ե՞րբ է Մանչը հասկացել, որ ցանկանում է դիզայներ դառնալ:

(Ժպտում է): Շատ բարդ հարց է: Որքան հիշում եմ ինձ, նկարել եմ: Երբ առաջին անգամ CNN հեռուստաալիքով վաղ առավոտյան դիտեցի Օսկար մրցանակաբաշխության կարմիր գորգը, միանշանակ հասկացա, որ պետք է ստեղծեմ հագուստ: Ավելի լուրջ այս գործով սկսել եմ զբաղվել 2009 թվականից:
Արդյոք երիտասարդ հայ դիզայներին դժվար չէ՞ բախվել հայկական կարծրատիպերին: 
Իրոք շատ դժվար է հայ դիզայներին արտահայտել իրեն որպես կերպար: Վստահեցնում եմ, որ շատ եմ կոտրվել, հիասթափվել, բայց երբ տեսնում եմ, թե ինչպես են հաճախորդուհիները ժպտալով բարևում ինձ ու հիացմունքով կրում իմ իսկ ձեռքերով պատրաստած հագուստը, հավատացեք` դա անբացատրելի զգացում է:Մանչ

Ո՞վ է ոգեշնչում Մանչ դիզայներին:

Ոգեշնչվելն ամենահիասքանչ զգացումներից է, երբ շունչդ կտրելով բարձր երաժշտության ներքո փորձում եմ միտքս թղթին հանձնել: Երբ նկարում եմ, հավատացեք, ինձ այլևս բան պետք չէ, պարզապես թուղթ ու գրիչ:
Հարցազրույց դիզայներ Մանչի հետ

Արդյո՞ք ամեն ոք կարող է քեզ մոտ հագուստ պատվիրել:

Միանշանակ կարող է: Ես համագործակցում եմ բոլոր մասնագիտությունների տեր մարդկանց հետ` անկախ սեռից և կողմնորոշումից, բայց ցավոք ժամանակս սուղ է, պատվերները 2-3 շաբաթ առաջ պետք է անել, քանի որ իրոք ֆիզիկապես չեմ կարողանում հասցնել, չնայած աշխատում եմ օգնականների հետ:
Հարցազրույց դիզայներ Մանչի հետ 

Ովքե՞ ր են նորաձևության աշխարհում իդեալ հանդիսանում քեզ համար:

Իդեալներ, հավատացեք, չունեմ, բայց կան մարդիկ, ում աշխատանքն ինձ պարզապես ցնցում է: Օրինակ թե ինչպես է իտալացի մի կին կառավարում եղբոր ստեղծած նորաձևության կայսրությունը կամ Աննա Վինտուրի հեղափոխությունը ամսագրերի ոլորտում:

Ո՞րն է քո ամենասիրած բրենդը:

Սիրված բրենդ գրեթե չունեմ, բայց արտասահմանում լինելիս չեմ կարող անտարբեր անցնել John Galliano-ի և Tom Ford-ի կողքով:

Ու՞մ համար կուզեիր հագուստ մոդելավորել:

Եթե այս հարցն ինձ տված լիենիր վաղ անցյալում, ես կնշեի Դեմի Մուր, Շեր, Դիտա ֆոն Տիզ և այլն, բայց հիմա շատ կցանկանամ, որ իմ մայրը կրի իմ հագուստը, քանի որ ինչպես իմ, այնպես էլ բոլոր տղամարդկանց համար մայրը կնոջ իդեալն է:Հարցազրույց դիզայներ Մանչի հետ

Ու՞մ կդասեիր հայկական իրականության մեջ ամենանորաձևների շարքում:

Հայ աստղերը մի փոքր առանձնանում են իրենց կերպարներով մյուս երկրների շոուբիզնեսի ներկայացուցիչներից, բայց կարծում եմ, որ շատ գեղեցիկ են հագնվում IQ ամսագրի գլխավոր խմբագիր Լյուսի Ավագյանը, Հ1-ի հաղորդավարուհի Կարինա Դանիելյանը և այլոք:

Հույս կա՞, որ Երևանը երբևէ կվերածվի նորաձևության քաղաքի: Ի՞նչ կարծիքի ես երևանյան փողոցային նորաձևության մասին:

Մեր փողոցներում ամեն ինչ միատեսակ արագ լցվում և վերջանում է, կարծում եմ պատճառը ֆինանսական խնդիրն է, բայց կան շատ-շատերը, ովքեր իդեալական համադրում են հագուստը:Հարցազրույց դիզայներ Մանչի հետ

Ի՞նչ կդառնար Մանչը, եթե չընտրեր դիզայների մասնագիտությունը:

Եթե չլինեի դիզայներ, վստահաբար կլինեի make-up artist, քանի որ շատ եմ սիրում և նաև սիրողական զբաղվում եմ այդ գործով: 

Ի՞նչ պլաններ ունես ապագայի համար: 

Պլաններ շատ ունեմ և ակտիվորեն զբաղվում եմ դրանց իրագործմամբ: Նպատակ ունեմ MANCH ապրանքանիշն արտահանել արտասահման:

Ինչո՞վ է հպարտ Մանչը:

Հպարտ եմ, որ ունեմ հայ ընտանիք, շատ լավ ընկերներ և սիրված աշխատանք:

Լիբերալ Բլոգ - Like

Կայքի հոդվածների մասնակի կամ ամբողջական տեղադրումը այլ կայքերում կամ հեռուստառադիոընթերցումն առանց liberal.am-ի թույլտվության արգելվում է: Էլ. փոստ` blog@liberal.am:
blog.liberal.am | 2011-2012 © Բոլոր իրավունքները պաշտպանված են:

Joomla! Debug Console

Session

Profile Information

Memory Usage

Database Queries