Երիտասարդության ուժ, պատանեկության հմայք… Այս աստղերի համար «երիտասարդ օրերը» անցյալում են, սակայն նրանք չեն հուսահատվում: Նրանք ապացուցում են, որ տարիքի հետ հնարավոր է ավելի գեղեցիկ, էլեգանտ ու երիտասարդ երևալ: Նայում ենք և սովորում: 
Ջենիֆեր Լոպես, 42 տարեկան
Կար ժամանակ, որ Ջենիֆեր Լոպեսը երթևեկում էր մետրոյով և երազում էր ինչ-որ լավ երգչուհու տեսահոլովակում նկարահանվել: Եվ թող փոփ-դիվան ասի, որ ինքն էլի հին Ջենին է մնացել, բայց բոլորս տեսնում ենք, որ նա նախընտրել է մոռանալ այնպիսի բաների մասին, ինչպիսիք են մետրոն, մուգ շրթներկը, որ նրան քսան տարի մեծացնում էր, ինչպես նաև մաշկի բնական գունատությունը: Դրանց փոխարեն հիմա մշտական ոսկե արևայրուքը, կիսաթափանցիկ փայլ-շրթներկն ու մեղրագույն վարսերն են: Բրավո,  Ջենիֆեր:

Մեգան Ֆոքս, 25 տարեկան

Նա չէր կարող չընդգրկվել մեր ցուցակում: Բազում տարիներ Մեգանը համառորեն պնդում է ողջ աշխարհին, որ վիրահատական դանակը մոտ անգամ չի գնացել իր դեմքին: Պարզապես առաջարկում ենք համեմատել այս երկու լուսանկարները: Գլխավորն այն է, որ նա հիմա հիանալի տեսք ունի. դեմքն ավելի նրբիկ է, հոնքերը լայնացել են, իսկ թարթիչները` խտացել: Եվ ոչ մի արևայրուք, որ ինչպես Մեգանն է ասում, ծերացնում է:
 

Վիկտորիա Բեքհեմ, 38 տարեկան

Երկրագնդի ամենահայտնի ֆուտբոլիստի կինը խոստովանում է, որ երբեք չի հավանել ինքն իրեն: Ոմանց ներքին բարդույթները մղում են ինքնակործանման, մյուսներին էլ, ընդհակառակը, ստիպում են ինքնակատարելագործվել: Իր ներկա տեսքին հասնելու համար Վիկտորիան շատ է տանջվել. նա ստիպված է եղել մեծացնել, ապա կրկին փոքրացնել կրծքերը, արհեստականորեն աճեցնել մազերն այն աստիճանի, որ դրանք սկսեն թափվել, ապա կարճ կտրել ու գունաթափել դրանց: Փորձարկումների և սխալների շնորհիվ Վիկին հասկացավ, որ ամեն ինչ գեղեցիկ է չափի մեջ: Ոչ մի բաց զգեստ, մազերի աննորմալ գույն, վառ դիմահարդարում: Հայտնի սպորտսմենի կնոջը, չորս երեխաների մորն ու հաջողակ դիզայներին այդ ամենը պետք չէ: 
 

Քեյթ Ուինսլեթ, 36 տարեկան

Տիտանիկի 3D պրեմիերայի ժամանակ Քեյթ Ուինսլեթը արդարացի հաղթանակ էր տոնում: 15 տարի առաջ նույն կարմիր գորգին նա այդքան էլ շքեղ տեսք չուներ: «Տարօրինակ բան է այս կյանքը: Այն ժամանակ Լեոն նիհար էր, ես` լիքը, իսկ հիմա ընդհակառակն է»,- հարցազրույցի ժամանակ կատակել էր Քեյթը: Եվ իրոք, ժամանակի հետ Քեյթը միայն գեղեցկացել ու եիտասարդացել է: «Կինը ծաղկում է, երբ սիրված է և շրջապատված է տղամարդկանց ուշադրությամբ»:
 

Եվա Մենդես, 38 տարեկան

Մի քանի տարի առաջ Եվա Մենդեսը հրաժեշտ տվեց խոպոպներին, վարդագույն դիմափոշուն և ընդգծված ստորին կոպին: Ինչպես բոլորս գիտենք` կարևորը ժամանակին կանգ առնելն է: Այսօր Եվան ավելի երիտասարդ տեսք ունի, քան, ասենք, 10-15 տարի առաջ: Դրան նպաստել են մազերի երանգի փոփոխությունն ու, ինչպես Եվան է խոստովանում, մսի օգտագործումից հրաժարումը: Բացի այդ` նա օրական երեք լիտրից ավել ջուր է խմում, որպեսզի մաշկը փայլի:

 

Քելլի Օսբորն, 27 տարեկան