Ադրբեջանական մամուլը վերջին օրերին գովերգում է Քոնդոլիզա Ռայսի հուշերի հրապարակումը, որտեղ վերջինս խոստովանում է Կոնգրեսում Հայոց Ցեղասպանության բանաձևը տապալելու մասին: Իհարկե, ադրբեջանցի ընթերցողներին շատ ավելի քիչ է հետաքրքրում իրենց երկրի բանակում ինքնասպանությունների ու սպանությունների նոր դեպքերը, մուրացկանության դեմ պայքարող պետության մեջ միլիարդատեր Թելման Իսմաիլովի՝ «Սվարովսկի» քարերով զարդարված տորթ պատվիրելը և այլ նման «մանր-մունր» խնդիրներ: Ադրբեջանական ԶԼՄ-ները սկսել են ահաոր սարսափի մթնոլորտ ստեղծել՝ պարբերաբար հրատարակելով պատերազմ վերսկսելու մասին հոդվածներ ու վերլուծություններ:

Թուրքիան օրերս օգնության առաջարկով դիմեց Հայաստանին՝ մինչ այդ առանց որևէ պատճառի մերժելով, երբ իրականում կար դրա կարիքը, սակայն դա չկասեցրեց քրդերի բողոքի ցույցերն ու քուրդ զինյալների գրոհները: Բացի այդ, հայտնի դարձավ, որ հայկական Աղթամարի տաճարի գմբեթը վնասվել է ցնցումների արդյունքում: Այնուհանդերձ, թե՛ Արևմուտքում, թե՛ հենց Թուրքիայի ներսում հակաթուրքական տրամադրությունները շարունակվում են: Սկսվել է ստորագրահավաք գրող, հրատարակիչ, իրավապաշտպան, «Բելգե» հրատարակչատան տնօրեն պարոն Զարաքոլուի ազատ արձակման համար Անկարայի «Ազատություն գաղափարին» նախաձեռնության ու Ժամանակակից լրագրողների միության նախագահ Ահմեթ Աբաքայի գլխավորությամբ:

Այս օրերին Հայաստանում վերջապես քննարկում են համազգային կարևորություն ունեցող մի խնդիր, որի մասին խոսել շատ անգամ խուսափել են թե՛ հայերը, թե՛ թուրքերը: «Սարդարապատ» շարժման նախաձեռնող խմբի կողմից  կազմակերպվել է «Դավանափոխ հայերի զարթոնքը» թեմայով քննարկում-զրույց, որի ընթացքում թեմայի մասին բազմակողմանի ու հարուստ տեղեկություն է հաղորդել լրագրող Համո Մոսկոֆյանը: Վերջինս դավանափոխ հայերին բաժանում է երեք մասի` համշենահայեր, ալևիներ ու զազաներ:

Մեծ ճանաչում ունեցող Reuters լրատվական գործակալությունը, որն առավել հայտնի է մահմեդական երկրների մասին հավաստի ու հրատապ տեղեկատվությամբ, այս օրերին դարձել է Թուրքիայի N1 թշնամին: Խնդիրն այն է, որ հուժկու երկրաշարժի մասին նորություններ հաղորդելիս գործակալությունը որպես հավելյալ տեղեկություն ներկայացրել է Վան քաղաքի իրական պատմությունը՝ անդրադառնալով թուրք հրոսակների կողմից հայերի դեմ իրականացված կոտորածներին և բռնագաղթին։ Թուրքական ԶԼՄ-ների ու պատկան մարմինների արձագանքը չի ուշացել. Milliyet օրաթերթը գրում է, որ Թուրքիայի պաշտոնական մարմինները հայերի մասին Reuters–ի տեղեկությունը՝ որպես «հակաթուրքական քարոզչություն» են որակել՝ պահանջելով վերախմբագրել Վանի երկրաշարժի մասին տեղեկությունը։

Վերջին օրերին ակտիվորեն քննարկվում է հոկտեմբերի 23-ին 7.1 մագնիտուդ ուժգնությամբ երկրաշարժ, որի էպիկենտրոնը գտնվում էր հարևան Թուրքիայում՝ Վան քաղաքից 38 կմ հյուսիս:  3-5 մագնիտուդով հետցնցումները զգացինք նաև մենք՝ հայերս: Թուրքիայի կառավարությանը կից Արտակարգ իրավիճակների վարչության տարածած հաղորդագրության համաձայն՝ զոհերի թիվը հասել է 279-ի, իսկ վիրավորներինը՝ 1301-ի: Երկրաշարժից հետո ՀՀ նախագահը ցավակցական հեռագիր էր հղել Աբդուլլահ Գյուլին՝ առաջարկելով Հայաստանի օգնությունը։

Վերջին օրերին բացի Թուրքիայում տեղի ունեցած հուժկու երկրաշարժից և «եղբայրական Ադրբեջանի կողմից ցուցաբերած նշանակալից օգնությունից»՝ ադրբեջանական լրատվամիջոցներն ակտիվորեն քննարկում ու մեկնաբանում են նախ ԵԱՀԿ Մինսկի խմբի համանախագահների այցը Բաքու, ինչպես նաև սև ցուցակում սպասվելիք համալրումները: Նախ ադրբեջանական հեղինակավոր կայքերը (Aze.Az, News.Az) տեղեկացրին, որ պաշտոնական այցով Ադրբեջանում են գտնվում ԵԱՀԿ Մինսկի խմբի համանախագահներ Ռոբերտ Բրադտկեն (ԱՄՆ), Բեռնար Ֆասիեն (Ֆրանսիա), Իգոր Պոպովը (Ռուսաստան), ինչպես նաև ԵԱՀԿ գործող նախագահի անձնական ներկայացուցիչ Անջեյ Կասպշիկը:

2011 թվականի հոկտեմբերի 20-ին ԶԼՄ-ներն ազդարարեցին՝ ամեն ինչ ավարտված է, Քադաֆին այլևս չկա՝ որպես ապացույց ներկայացնելով տեսանյութն ու բազմաթիվ լուսանկարները: Հայկական մամուլում շրջանառվում էր պաշտոնական տարբերակը. «Մուամար Քադաֆին սպանվեց հոկտեմբերի 20-ին իր հայրենի Սիրթ քաղաքի ծայրամասերից մեկում, որտեղ նա թաքնվում էր ԱԱԽ-ի զորքերից: Քադաֆին փորձել էր փախուստի դիմել ՝ արդյուքնում մահացու վիրավորվելով: Հայտնի դարձավ, որ բժիշկները դիահերձել են նրա մարմինը, արդյունքները, սակայն, դեռևս չեն հաղորդվում»:

Կարսի նահանգը վաղուց ի վեր Թուրքիայի Կառավարության «աչքի փուշն» է դարձել: Ուշագրավ է այն հանգամանքը, որ Կարսի նախկին քաղաքապետ Նաիֆ Ալիբեյօղլուն, որը մշտապես հանդես էր գալիս հայ-թուրքական սահմանի` առանց նախապայմանների բացման օգտին և դրա համար Կարսում ստորագրահավաք էր կազմակերպել, տարիներ առաջ նախաձեռնել էր այն հսկա արձանի ստեղծումը, որը պետք է խորհրդանշեր հայ-թուրքական բարեկամությունը և խաղաղությունը, սակայն 2009-ին քաղաքապետի ընտրություններում նա, բնականաբար, պարտություն է կրում։

Մեղմ ասած տարօրինակ ու շատ փոփոխական են մեր հարևան ադրբեջանցիները: Դեռ մեկ ամիս առաջ ամենասուր մեղադրանքներն էին հղում Հայաստանին՝ ազդարարելով՝ իբր մենք՝ հայերս, պարզապես ռուսների վասալներ ենք, չունենք սեփական քաղաքական կամքն ու ազգային շահերը, ինչի վկայությունն էլ ռուսական զորամասների առատությունն է (մանրամասն տես՝ "Ադրբեջանական մամուլը մեղադրում է Հայաստանին` Ռուսաստանի «վասալը լինելու հարցում»..."):

Մեր հարևաններն առանց մեզ կյանք չունեն. ակամայից այս եզրակացությանն եմ հանգում ադրբեջանական մամուլն ընթերցելիս: Նույնիսկ Ադրբեջանի հանրապետության անկախության 20-ամյակը նշելու ընթացքում ադրբեջանցիները չեն մոռանում համեմատվել մեզ հետ, ամենաընթերցվող հոդվածները կրում են «Անկախացան թե՛ Հայաստանը, թե՛ Ադրբեջանը, սակայն ակնհայտ է՝ անկախությունից որ մեկն է շահել», «Ադրբեջանում անկախության տոնն է. ի տարբերություն Հայաստանի՝ անկախության դրական արգասիքներն ակներև են» խորագրերը: Ավելին, ադրբեջանական մամուլին հուզում է անգամ հայկական Սփյուռքի ներկայացուցիչների ճակատագիրը:

"ԹԵԿՈՒԶ" Գեղարվեստական ֆիլմի ստեղծագործական խմբի անունից

Բարեւ ձեզ, Մեծարգո Նախագահ: Գրում եմ ձեզ իմ ու "ԹԵԿՈՒԶ" գեղարվեստական ֆիլմի ստեղծագործական խմբի անունից:

Ուզում եմ հուսալ, որ Դուք արդեն տեղյակ եք այն մասին, որ մենք` ծնունդով ու հոգով մի խումբ Արցախցիներ, ձեռնամուխ ենք եղել Ղարաբաղի վերջին 20 տարիների մասին պատմող գեղարվեստական ֆիլմի նկարահանմանը: Ես Ղարաբաղի գոյապայքարի մասնակից եմ, իսկ վերջին 10 տարիներին աշխատել եմ Մոսկվայում` կինոարտադրությունում:

1980թ ծնված Էդգար Օհանյանը, մարտական գործողությունների ժամանակ կորցրել է երկու ոտքը և գտնվում է առողջական ծանր վիճակում: Հերոսների Պանթեոն ԲՀ կազմակերպում է դրամահավաք, որպեսզի նրան տեղափոխեն Եվրոպա` բուժվելու: ՀՀ ՊՆ և բարերարները տրամադրել են գումար, բայց նրան անհրաժեշտ է նաև 700 հազար հայկական դրամ: Կոչ ենք անում բոլորին իրենց աջակցությունը հայտնել սույն նախաձեռնությանը:

Օրեր առաջ հայտնի դարձավ, որ սույն թվականի հոկտեմբերի 12–21–ին ՀՀ-ում մարդահամար է տեղի ունենալու. բնակչության մարդահամար կանցկացնեն տեղամասի 364 վարիչներ և օգնականներ, 2.425 հրահանգիչ-հսկիչներ և 12.124 հաշվարարներ, մարդահամար անցկացնողները հոկտեմբերի 8-10-ը բնակիչներին կտեղեկացնեն մարդահամարի մասին:

Րոպեներ անց նշածս տվյալները տեղ գտան ադրբեջանական կայքերում: Ավելին, մեր հարևաններն անգամ տեղեկացրել էին, որ ՀՀ-ում մարդահամար անցկացնողներն ունենալու են ՀՀ զինանշանով սև թղթապանակներ ու վկայականներ:

Այսօր թուրքական առաջատար լրատվամիջոցներն ազդարարեցին ամսիներ տևած Դիրաբեքիրում գտնվող Սուրբ Կիրակոս հայկական մեծ եկեղեցու վերանորոգման աշխատանքների ավարտը, որի բացման հանդիսավոր արարողությունը կայանալու է սույն թվականի հոկտեմբերի 22-ին՝ ուղեկցվելով պատարագով: Թուրքական Zaman-ը հատուկ շեշտում է, որ Սուրբ Կիրակոսը վերաբացվելուց հետո գործելու է՝ որպես եկեղեցի։ Իսկ թուրքական «Դողան» գործակալությունը ծավալուն պատմական անդրադարձ է անում Սուրբ Կիրակոս եկեղեցու պատմությանը՝ նշելով, որ այն Մերձավոր Արևելքում ամենամեծ հայկական եկեղեցին է, որը վերջին 30 տարիների ընթացքում չի գործել։

Ֆրանսիայի նախագահ Նիկոլա Սարկոզիի այցը մեր տարածաշրջան դարձել է բոլոր հնարավոր ԶԼՄ-ների քննարկման թեման: Ավելին, յուրաքանչյուր ադրբեջանցի և թուրք քաղաքագետ, վերլուծաբան, պատգամավոր, անգամ մշակութաբան իր սուրբ պարտավորությունն է համարում Երևանում Սարկոզիի արտաբերած ամեն մի բառ մեկնաբանել՝ ի վնաս հայերի:  Իսկ Հայոց ցեղասպանության վերաբերյալ արած հայտնի հայտարարությունից հետո Թուրքիայում դիմել են կտրուկ քայլերի:

Վերջին իրադարձություններն առավել քան ամրապնդում են իմ այն համոզմունքը, որ Թուրքիան հակասությունների երկիր է: Ինչպես տեղեկացնում է թուրքական «Դողան» լրատվական գործակալությունը, շուրջ երկու օր առաջ Թուրքիայի Ազգային մեծ ժողովի պատգամավոր, «Խաղաղություն և ժողովրդավարություն» կուսակցության անդամ Ալթան Թանը, Մարդինի համալսարաններից մեկում կազմակերպված գիտաժողովի ընթացքում խոսել է  1915 թվականին հայերի դեմ իրականացված ոճիրի մասին:

Ինչպես հայտնի է, հայ բռնցքամարտիկները, վտանգելով սեփական անձը, մեկնեցին Բաքու և շոշափելի հաջողություններ գրանցեցին՝ անգամ խիստ լարված, ատելությամբ լի մթնոլորտում, երբ նրանց վրա քարեր էին նետել ու նրանց դեմ ադրբեջանցի ազգայնականները կազմակերպել էին մարդաշատ ցույցեր: Ադրբեջանական մամուլն իհարկե չզլացավ հայ բռնցքամարտիկներին երկար-բարակ պախարակելուց՝ իբր նրանք պատրաստված չեն, չունեն լավ տեխնիկա, թիմն էլ միասնական չէ...

Եթե ցանկանում եք տեղեկանալ Երևանի Ազատության հրապարակում տեղի ունեցող ՀԱԿ-ի նստացույցի, մեկշաբաթյա սպասվելիք ցույցերի, Լևոն Տեր-Պետրոսյանի հայտարարությունների մանրամասներին, ինչպես նաև վերջին լուսանկարներին ու տեսանյութերին, ապա ամենևին հարկ չկա փորփրե հայկական կայքերը, հոդվածների ու վերլուծությունների մի ամբողջ փունջ է տեղակայված ադրբեջանական ամենատարբեր ԶԼՄ-ներում:

Այն, որ սոցիալական ցանցերը այս կամ այն գաղափարը քարոզելու և մտքեր փոխանակելու լավագույն գործիքներն են, վաղուց հայտնի ճշմարտություն է: Այստեղ յուրաքանչյուր օգտատեր հնարավորություն է ստանում ազատորեն բանավիճել ու մտքեր արտահայտել այն բոլոր թեմաների շուրջ, որոնք ամենայն հավանականությամբ չէին շոշափվի իրական կյանքում: Բացի այդ, սոցկայքերից հնարավոր է հասկանալ, թե իրականում գոհ են տվյալ երկրի բնակիչները իշխանությունից, ինչ բնույթի հասարակական-քաղաքական խնդիրներ են առաջին պլանում և, վերջապես, թե ինչ ազգային համընդհանուր շահեր են առկա...